Հեղաշրջման փորձից հետո Թուրքիայի բանտերում են հայտնվել տասնյակ դեռահասներ. The Telegraph
Թուրքիայում ձախողված հեղաշրջման փորձից հետո ձերբակալվել են երեխաներ, որոնք մինչ օրս բանտերում են, գրում է բրիտանական The Telegraph-պարբերականը:
Խոսքը Kuleli զինվորական դպրոցի 15-17-ամյա սաների մասին է, որոնց ձերբակալել են պետության դեմ դավադրությանը առնչություն ունենալու կասկածանքով:
Նրանց փաստաբանի խոսքով՝ հեղաշրջման փորձի ժամանակ դեռահասներին ստիպել են հագնել համազգեստ և կրել զենքեր՝ առանց փամփուշտների:
Նրանք մինչ օրս գտնվում են թուրքական բանտերում, միաժամանակ, նրանց թույլ չեն տալիս ծնողների հետ կապ հաստատել հեռախոսով:
Թուրքիայում ռազմական հեղաշրջման փորձի ձախողումից հետո թուրքական իշխանությունները ձերբակալել են ավելի քան 10 հազար զինվորականների և պետական ծառայողների: Տասնյակ հազարավոր պետծառայողներ հեռացվել են աշխատանքից:
Լայնամասշտաբ զտումների են ենթարկվել նաև ուսումնական և գիտական հաստատությունները, որոնցից աշխատանքից ազատվել են հազարավոր աշխատակիցներ:
