Իսլանդիայի հավաքականի կիսապաշտպան Բյարնասոնին առաջարկել են դառնալ մոդել
Նորաձև հագուստի ASOS բրիտանական խանութն Իսլանդիայի հավաքականի կիսապաշտպան Բիրկիր Բյարնասոնին առաջարկել է դառնալ մոդել:
«Ողջույն, Բիրկիր Բյարնասոն: Երբ Դուք կավարտեք ելույթները Եվրո-2016-ում, զանգահարեք մեզ: Մենք կարող ենք օգտագործել Ձեզ ցուցադրության մեջ»,- Բյարնասոնին է դիմել խանութի պաշտոնական թվիթերյան էջը:
«Ստորագրեք ինձ հետ պայմանագիր»,- ի պատասխան՝ կատակել է ֆուտբոլիստը:
Իսլանդիայի հավաքականն առաջին անգամ է մասնակցում Եվրոպայի առաջնության եզրափակիչ փուլում: Մրցաշարի 1/8 եզրափակչում իսլանդացիները հաղթեցին Անգլիայի հավաքականին և դուրս եկավ քառորդ եզրափակիչ, որտեղ իրենց ուժերը կչափեն Ֆրանսիայի ընտրանու հետ հուլիսի 3-ին:
Պատրաստեց Անի Գաբուզյանը
