Բաժիններ՝

Պորտուգալիան դարձավ միակ թիմը, որը 6 անգամ անընդմեջ դուրս է գալիս Եվրոպայի առաջնության քառորդ եզրափակիչ

Գերմանացիները, իսպանացիները, իտալացիները և ֆրանսիացիները մի կողմ քաշված նյարդայնացած ծխում են:

Շաբաթ Պորտուգալիան լրացուցիչ ժամանակի վերջում Ռիկարդու Կուարեժմայի խփած գոլի շնորհիվ կորզեց հաղթանակը Խորվաթիայից (1:0):

1996թ. սկսած, երբ Եվրոպայի առաջնություններում սկսեցին անցկացվել քառորդ եզրափակիչները, Պորտուգալիան մնում է միակ թիմը, որը հասել է այդ փուլին բոլոր
6 անգամները:

Նախորդ 5 մրցաշարերում Պորտուգալիան 2 անգամ պարտվել է քառորդ եզրափակիչում (1996, 2008), 2 անգան նվաճել է բրոնզե մեդալներ (2000, 2012) և 1 անգամ խաղացել է եզրափակիչում (2004):

Կիսաեզրափակիչ դուրս գալու համար պորտուգալացիները կհանդիպեն Լեհաստանի հետ: Խաղը տեղի կունենա հունիսի 30-ին, Մարսելում:

Պատրաստեց Անի Գաբուզյանը

Բաժիններ՝

Տեսանյութեր

Լրահոս