Բաժիններ՝

Խարկովում ձերբակալվել են ԻՊ մեջ ներգրավված Տաջիկստանի երկու քաղաքացի

Ուկրաինացի սահմանապահները Խարկովի օդանավակայանում ձերբակալել են Թուրքիայից ժամանած Տաջիկստանի երկու քաղաքացիների, ովքեր ներգրավված են «Իսլամական պետություն» խմբավորման գործունեության մեջ և պատրաստվում
էին իսլամական հեղափոխություն իրականացնել Տաջիկստանում:

«ՌԻԱ Նովոստի»­ն հաղորդում է, որ այդ մասին շաբաթ օրը տեղեկացրել է Ուկրաինայի սահմանապահ ծառայությունը:

Ուրբաթ օրը «Խարկով­ավիա» անցակետում Խարկովի սահմանապահների ջոկատը Ստամբուլ­Խարկով չվերթի ձևակերպման ընթացքում
հայտնաբերել են Տաջիկստանի երկու քաղաքացու, ովքեր, Ինտերպոլի տվյալների, բազայում են:

Ըստ սահմանապահ ծառայության տվյալների՝ կալանավորվածների մոտ հայտնաբերվել են պայթուցիկ սարքերի պատրաստման տեսադասընթացներ, որ ակտիվանում են բջջային հեռախոսով, ինչպես նաև արաբերեն ծայրահեղական գրականություն:

«Ավելի ուշ կալանավորները բացատրել են, որ պատրաստվում էին իսլամական հեղափոխություն կազմակերպել Տաջիկստանում», ­ ասվում է
հայտարարության մեջ:

Սահմանապահները ծանուցել են այդ մասին Կիևում ուկրաինական Ինտերպոլի բյուրոյին: Ստուգման արդյունքում հաստատվել է, որ ձերբակալվածները միջազգային հետախուզման մեջ են որպես ԻՊ ներգրավված անձինք:

Բաժիններ՝

Տեսանյութեր

Լրահոս