Խմորասնկերը՝ դեմքի խնամքի միջոց

Եթե ցանկանում եք առողջ և գեղեցիկ մաշկ ունենալ, ապա պետք է ճիշտ խնամեք դեմքի մաշկը:

Ամենահայտնի դիմակներից մեկը խմորասնկով դիմակներն են:

Խմորասնկերը հարուստ են C, D և B խմբի վիտամիններով, ինչպես նաև՝ հանքանյութերով և ֆոսֆոլիպիդներով, որոնք դրական ազդեցություն են ունենում մաշկի վրա:

Խմորասնկերը կենդանի սնկեր են, որոնք դրական են ազդում էպիդերմիսի պաշտպանիչ թաղանթի վրա՝ դրանով իսկ վերականգնելով բջիջների նորմալ նյութափոխանակությունն ու կարգավորելով ճարպագեղձերի աշխատանքը: Ունեն հակաօքսիդանտ ազդեցություն, ինչն էլ ակտիվացնում է կոլագենի սինթեզն ու էլաստիկ է դարձնում մաշկը: Խմորասնկերը խորապես մաքրում և նեղացնում են ծակոտիները: Լավացնում են արյան շրջանառությունը՝ ապահովելով մաշկի լավ գույնն ու փայլը:

Նման արդյունքի համար, սակայն, պետք են կենդանի խմորասնկեր, որոնք կարելի է ձեռք բերել դեղատներից:

Դիմակ յուղոտ մաշկի համար

1 ճ/գ խմորասնկերը խառնեք եռացրած նարնջի հյութի կամ վարդի ջրի հետ (1:1 հարաբերությամբ): Ստացված խյուսը քսեք դեմքին, թողեք մնա 15-20 րոպե, ապա լվացեք ջրով:

Դիմակ՝ նորմալ մաշկի համար

Կես տուփ խմորասնկերը խառնեք 1 թ/գ մեղրով և նույնքան լոլիկի հյութով, որպեսզի փափուկ խառնուրդ ստանաք: Թողեք մնա տաք վայրում: Երբ մասսան 2-3 անգամ մեծանա, քսեք դեմքին, թողեք մնա 30 րոպե: Եթե այս ընթացքում չորանա, վրայից ջրով կամ հյութով թրջեք:

Դիմակ չոր մաշկի համար

15-20 գ խմորասնկերը խառնեք ջրով, կաթով կամ յուղով: Ստացված թթվասերանման խյուսը քսեք դեմքին և թողեք մնա 15-20 րոպե: Այրոց զգալու դեպքում անմիջապես մաքրեք դիմակը:

Նյութը հրապարակման պատրաստեց Լիլիթ Հարությունյանը