Կայացել է Վրաստանի և Թուրքիայի նախագահների հանդիպումը
Ստամբուլում ընթացող Համաշխարհային հումանիտար առաջին գագաթաժողովի շրջանակում Վրաստանի նախագահը հանդիպել է Թուրքիայի նախագահ Ռեջեփ Թայիփ Էրդողանի հետ, հայտնում է «Գրուզիա օնլայնը»:
Կողմերը քննարկել են երկու երկրների միջև քաղաքական, տնտեսական, մշակութային հարաբերությունները: Էրդողանը ու Մարգվելաշվիլին քննարկել են Վարշավայում կայանալիք ՆԱՏՕ-ի գագաթաժողովին առնչվող հարցեր:
«Հանդիպմանը Թուրքիայի նախագահը նշել է, որ Վրաստանն անպայման պետք է դառնա ՆԱՏՕ-ի անդամ»,- Էրդողանի խոսքերը փոխանցել է Մարգվելաշվիլիի ադմինիստրացիայի պետ Գեորգի Աբաշիշվիլին:
Կողմերը քննարկել են նաև կարևոր ռազմավարական նախագծեր, որոնք երկու երկրները իրականացնում են Ադրբեջանի հետ:
Քննարկվել է «Բաքու-Թբիլիսի-Կարս» երկաթուղին, որի ժամանակ Էրդողանը հույս է հայտնել, թե այս տարի նախագիծը կավարտվի:
