Բաժիններ՝

Հրաշք դիմակ «երեքը՝ մեկում»

Մաշկի խնամքը չի կարող ամբողջական լինել՝ առանց սնուցող դիմակների: Ձուն, իրավամբ, կարելի է համարել ամենատնտեսող և արդյունավետ միջոցը, որը պահպանում է երիտասարդությունն ու մաշկի առողջությունը:

Սպիտակուցն արդյունավետ կերպով ձգում և մաքրում է մաշկը: Դեղնուցը պարունակում է մեծ քանակությամբ լեցիտին, որն ապահովում է մաշկի խորը սնուցումն ու խոնավեցումը: Վիտամիններ A, D և B-ն երիտասարդացնում են մաշկը: Ձվից դիմակներ կարող են օգտագործել բոլոր կանայք՝ անկախ տարիքից:

Դեմքի «թաղանթային» դիմակ

Ձեզ անհրաժեշտ է

  • 1 ձու
  • Թղթե անձեռոցիկ

Առանձնացրեք սպիտակուցը դեղնուցից և լցրեք տարբեր տարաների մեջ: Սպիտակուցը թեթևակի հարեք: Մաքրած դեմքին քսեք սպիտակուցը: Թղթե անձեռոցիկը կտրատեք և կպցրեք դեմքին, ապա վրայից սպիտակուցի ևս մեկ շերտ քսեք: Թողեք չորանա:

Սպասեք 20-30 րոպե, երբ անձեռոցիկը կոպտանա, կզակի հատվածից՝ դեպի վեր ուղղությամբ, հանեք դիմակը: Զգացողությունը գուցե հաճելի չլինի, սակայն արդյունքը ցայտուն է:

Այնուհետև ձվի դեղնուցը հարեք և քսեք դեմքին: Հավելյալ սնուցման համար կարող եք մի քանի կաթիլ ձիթապտղի կամ կոկոսի յուղ ավելացնել: 10 րոպե անց մաքրեք դեղնուցը:

Ձվի մնացորդները մաքրեք տաք ջրով: Եթե ձեր մաշկը չոր է, ապա «թաղանթային» դիմակի օգտագործումից հետո մաշկին սնուցող քսուք քսեք: Նման դիմակ դրեք շաբաթը 2 անգամ:

Նյութը հրապարակման պատրաստեց Լիլիթ Հարությունյանը

Բաժիններ՝

Տեսանյութեր

Լրահոս