Թուրքիան կարող է ցամաքային օպերացիա սկսել Սիրիայում. Դավութօղլու
Անհրաժեշտության դեպքում Թուրքիան կարող է ցամաքային ռազմական օպերացիա սկսել Սիրիայում: Այս մասին Al-Jazeera-ին տված հարցազրույցում հայտարարել է Թուրքիայի վարչապետ Ահմեդ Դավութօղլուն:
Նրա խոսքով՝ վերջին ամիսներին Թուրքիայի տարածքը ենթարկվել է շարունակական հրետակոծության Սիրիայի շրջաններից, որոնք վերահսկվում են ԴԱԻՇ-ի զինյալների կողմից:
«Սիրիայում ահաբեկչական կազմակերպությունների ակտիվությունը սպառնալիք է Թուրքիայի և ողջ աշխարհի համար»,- ասել է Դավութօղլուն:
Դավութօղլուի խոսքով՝ Թուրքիան միակ երկիրն է, որն ակտիվորեն պայքարում է ԴԱԻՇ-ի դեմ:
Անցած ամիս Թուրքիայի Քիլիս և Հաթայ նահանգները բազմիցս ենթարկվել են հրետակոծության Սիրիայի տարածքից: Դրանից հետո Թուրքիայի ԶՈՒ-ն սկսել էր պատասխան հարվածներ հասցնել ԴԱԻՇ-ի դիրքերին:
