Բաժիններ՝

Vox-ը կազմել է վատ ֆիլմերում նկարահանված դերասանների վարկանիշը

Vox ամերիկյան լրատվական պորտալը կազմել է այն դերասանների հակավարկանիշը, որոնք մյուսներից ավելի հաճախ են նկարահանվում վատ ֆիլմերում: Այն հիմնված է կինոքննադատների արձագանքների վրա: Տղամարդկանց ցուցակում առաջին տեղն զբաղեցրել է Ռոբ Շնայդերը. փորձագետներն բացասաբար են արտահայտվել նրա կինոնկարների մեծ մասի (69 տոկոս) վերաբերյալ եւ դրանցից ոչ մեկը չեն համարել իսկապես հաջողված:

Երկրորդ հորիզոնականում Ադամ Սենդլերն Է (վատ ֆիլմերը՝ 54 տոկոս, լավերը՝ 8 տոկոս), իսկ երրորդում՝ Էշթոն Քաթչերը (53/0):

Վատ ֆիլմերում հայտնված դերասանների հնգյակում տեղ են գտել նաեւ Քեւին Ջեյմսը (57/7) եւ Թեյլոր Լոթները (50/0):

Դերասանուհիների հակավարկանիշը գլխավորել է Ջենիֆեր Լավ Հյուիթը (վատ ֆիլմերը՝ 70 տոկոս, լավ կինոնկարներ չկան): Նրան հաջորդում են Ջեսիկա Ալբան (57/4) եւ Քեթրին Հեյգլը (61/11):

Կանանց հնգյակը եզրափակում են Դենիզ Ռիչարդսը (50/17) եւ Ալիսիա Սիլվերսթոունը (54/8):

Հրատարակությունն ընդգծում է, որ ցուցակը կազմվել է բացառապես գրախոսությունների հիման վրա, մինչդեռ քննադատների կարծիքը կարող է տարբերվել հանրության կարծիքից: Դերասաններին առաջադրվում էր երեք պահանջ: Առաջինը՝ նրանք պետք է նկարահանվեին գոնե տասը ֆիլմերում: Երկրորդ՝ գոնե մեկ ժապավենը պետք է հավաքեր 30 մլն դոլար: Երրորդ՝ գոնե մեկ կինոնկարը պետք է էկրան բարձրանար վերջին հինգ տարում:

Կատակաբան Ռոբ Շնայդերի հաշվին կա ավելի քան 40 ֆիլմ, այդ թվում՝ «Առաջին 50 համբույրները», «Ոտքի մատների վրա», «Տղամարդ՝ կանչով» եւ «Բեւեռլի Հիլզի գեղացին»: Ջենիֆեր Լավ Հյուիթի ամենահայտնի ժապավեններն են՝ «Սրտակերները», «Օդրի Հեփբյոռնի պատմությունը», «Ես գիտեմ, թե դուք ինչ եք արել անցած ամռանը» եւ «Այցելուների ցուցակը» (սերիալ):

Բաժիններ՝

Տեսանյութեր

Լրահոս