Մոուրինիոն ցանկանում է «Մանչեսթեր Յունայթեդ» հրավիրել Լասան Դիարային
«Մարսելի» կիսապաշտպան Լասան Դիարան կարող է կարիերան շարունակել Անգլիայում:
Ըստ L’Equipe-ի տեղեկության, «Լոկոմոտիվի» նախկին խաղացողի ծառայություններով հետաքրքրված է «Մանչեսթեր Յունայթեդը»: «Կարմիր սատանաները» նախատեսում են Դիարային հրավիրել ամռանը` որպես Մայքլ Կարիկի փոխարինող, ում պայմանագիրը, ինչպես ավելի վաղ հաղորդվել էր, չի երկարաձգվելու:
Նշվում է, որ ֆրանսիացու տրանսֆերով հետաքրքրված է Ժոզե Մոուրինիոն, ով կարող է դառնալ «Մանչեսթեր Յունայթեդի» գլխավոր մարզիչը:
Դիարայի պայմանագիրը «Մարսելի» հետ լրանում է 2019թ. ամռանը:
Պատրաստեց Անի Գաբուզյանը
