Ինչպես մեծացնել երջանիկ երեխա

Ճապոնացի Մասարու Իբուկան բազմակողմանի և շատ շնորհալի մարդ է: Լուրջ գործարար և «Sony»-ի ստեղծողներից մեկը, նա խորությամբ զբաղվել է մանկական հոգեբանությամբ և մանկավարժությամբ և ստեղծել է երեխաների վաղ զարգացման «3-ից հետո արդեն ուշ է» յուրահատուկ մեթոդիկան:

Նա միշտ ընդգծել է, որ երեխային զարգացնել պետք է ոչ նրա համար, որպեսզի նա հրաշամանուկ դառնա:

«Վաղ զարգացման հիմնական նպատակը դա երջանիկ երեխաների դաստիարակությունն է: Երեխային լավ երաժշտություն են տալիս լսելու և օտար լեզու են սովորեցնում ոչ նրա համար, որ նա դառնա երաժիշտ կամ լեզվաբան: Գլխավորը` զարգացնել երեխայի մեջ նրա անսահման հնարավորությունները, որպեսզի ավելի շատ ուրախություն լինի նրա կյանքում և աշխարհում»,- գրում է նա:

Ձեզ ենք ներկայացնում Մասարու Իբուկայի «3-ից հետո արդեն ուշ է» գրքից գլխավոր խորհուրդները:

1. Վաղ մանկությունից երեխային շրջապատեք մարդկության լավագույն ձեռքբերումներով: Լսեք դասական երաժշտություն, ցույց տվեք արվեստի գործեր, կարդացեք գեղարվեստական գրականություն:

2. Հաճախ վերցրեք երեխային ձեռքերի վրա:

3. Փոքրի նման մի խոսեք երեխայի հետ: Ծնված օրվանից երեխայի հետ խոսեք մեծի լեզվով:

4. Պարապեք երեխայի հետ ամեն օր:

5. Մի վիճեք երեխայի ներկայությամբ:

6. Թույլ տվեք երեխային քնել Ձեր մահճակալում:

7. Խրախուսեք այլ մարդկանց հետ երեխայի շփվելու ցանկությունը:

8. Մի արգելեք երեխային իր շահերը պաշտպանել և նույնիսկ վիճել:

9. Մի սահմանափակեք երեխային: Այն ամենը, ինչ երեխան անում է ձեռքերով, զարգացնում է նա ինտելեկտը:

10. Գովացեք և պատժեք զգուշությամբ: Գովացեք գործի համար, հատկապես տղաներին, պատժեք հազվադեպ:

11. Մի պարտադրեք երեխային Ձեր «լավը» և «վատը»:

12. Երեխայի մեջ առաջացրեք և աջակցեք ինչ-որ բանի նկատամամբ հետաքրքրություն:

13. Կրկնեք անցած նյութերը:

14. Երեխային պետք է ոչ միայն մայր, այլ նաև հայր: Ոչ մի սահմանափակում չպետք է լինի երեխայի և հոր շփման մեջ:

15. Մանկական ֆանտազիաները երբեք անիմաստ մի համարեք:

16. Մի վերբերվեք երեխային ինչպես Ձեր սեփականությանը:

17. Զարգացրեք երեխայի մոտ շոշափողական զգացողությունները:

18. Մի գնեք երեխային այն ամենը, ինչ նա խնդրում է:

19. Առաջարկեք երեխային մասնիկներից բաղկացած խաղալիք: Երեխան մեծ ուրախություն է զգում նրանից, որ կարողացել է ինքնուրույն ամեն ինչ հավաքել:

20. Զբոսնեք ոտքով երեխայի հետ:

21. Երբ երեխան ինչ-որ բանով զբաղվում է, մեծ նշանակություն մի տվեք արդյունքին: Նրա համար կարևորի պրոցեսն է, այլ ոչ թե արդյունքը:

22. Մի բռնացեք երեխայի կամքի վրա:

23. Խթանեք երեխայի մոտ ոչ ստանդարտ մտածողությունը:

24. Մինչև երեխային դաստիարակելը պետք է սկզբում դասիարակվեն ծնողները` այսինք Դուք:

Եվ վերջում Մասարու Իբուկայի ևս մեկ գերազանց ցիտատ.

«Ամենալավ դաստիարակությունը երեխայի համար դա մայրական սերն է: Ծնողների համար ամենագլխավոր զբաղմունքը դա երեխաների դաստիարակությունն է: Եթե նրանք համաձայն չեն դրա հետ, էլ ինչու՞ են երեխա ունեցել»:

Պատրաստեց Անի Գաբուզյանը