Հայտնի արտիստ Իլյա Ռեզնիկը շտապ հոսպիտալացվել է Մոսկվայում
Ռուս հայտնի արտիստ Իլյա Ռեզնիկն այսօր շտապ կերպով հոսպիտալացվել է այն բանից հետո, երբ ինքնազգացողության վատացման պատճառով ընկել ու անհաջող կերպով վնասել է ոտքը: Դեպքը տեղի է ունեցել Մոսկվայի Լենինգրադյան կայարանում, հայտնում է LifeNews-ը:
Կլինիկայում, որտեղ նրան տեղափոխել են, հետազոտության արդյունքում պարզվել է ստամոքսի արնահոսություն, աջ ոտքի մատի կոտրվածք:
Ռուսաստանի ժողովրդական արտիստը հոսպիտալացվել է վիրաբուժական բաժանմունքում: Բժիշկները ներկայում նշանակել են բուժման կուրս, ինչից հետո պարզ կլինի՝ կպահանջվի՞ օպերատիվ միջամտություն, թե՞ ոչ:
