Աշխարհի ամենաանհավանական զարդերը

Բոլոր ժամանակներում կանայք զարդարել են իրենց մարմինը տարբեր տեսակի զարդերով: Ոմանք նախընտրում են ականջօղեր և թևնոցներ, իսկ մյուսները` մատանիներ և ապարանջաններ:

Եթովպիայի գեղեցկուհիները բացառություն չեն: Եթովպիայի ցեղերում զարդերը ոչ միայն ընդգծում են կարգավիճակը, այլև ցույց են տալիս ամուսնու վերաբերմունքը կնոջ նկատմամբ: Բացի այդ, զարդերը համարվում են կանացիության և իհարկե, գեղեցկության խորհրդանիշը:

Մուրսի ցեղի պիրսինգը

Այս ցեղի կանայք ետ չեն մնում տղամարդկանցից. նրանք որսորդներ են և զինվորներ: Բայց անկախ ամեն ինչից, Մուրսի ցեղի կանայք գեղեցիկ են և կանացի և նույնպես սիրում են զարդեր կրել: Նրանց գլխավոր աքսեսուարը ստորին շրթունքի պիրսինգն է, որն իրենից ներկայացնում է փայտե կամ կավե տափօղակ: 

Արբորե ցեղի կանանց սափրած գլուխները և հսկայական վզնոցները

Արբորե ցեղի կանանց սափրած գլուխները վկայում են նրանց չամուսնացած լինելու մասին: Ամուսնությունից հետո կանայք իրենց գլուխները զարդարում են մանր հյուսերով: 

Համեր ցեղի վզնոցները

Համեր ցեղի ներկայացուցիչներն իրենց պարանոցները զարդարում են խոշոր վզնոցներով, որոնք ընդգծում են կարգավիճակը: Այս ցեղի կանանց մեջ լայն տարածում ունեն նաև երփներանգ թևնոցները:

Աֆար ցեղի գունավոր գլխազարդերը

Գլխազարդերը Աֆար ցեղի կանանց համար անհրաժեշտություն են: Նրանք այդ կերպ պաշտպանվում են արևից:

Նյանգատոմ ցեղի ծանր վզնոցները

Այս վզնոցները պատրաստվում են ուլունքներից և փայտի կտորներից: Կանայք այս վզնոցները հանում են միայն այն ժամանակ, երբ կա դրանք մաքրելու կամ լվանալու անհրաժեշտություն: 

Պատրաստեց Անի Գաբուզյանը