Դեռևս պարզ չէ, թե ով է լինելու «Բարսելոնայի» հիմնական դարպասապահը
Կատալոնական «Բարսելոնայի» գլխավոր մարզիչ Լուիս Էնրիկեն ասել է, թե դեռևս չի կողմնորոշվել հիմնական դարպասապահի ընտրության հարցում։ Այս մասին գրում է «AS»-ը: Հիմնական կազմում տեղ գտնելու համար պայքարում են գերմանացի Մարկ-Անդրե Տեր Շտեգենը և չիլիացի Կլաուդիո Բրավոն։
«Որոշում կայացնելը, իրոք, շատ դժվար է, բայց դա շատ լավ է: Հիանալի է, որ ընտրության հնարավորություն ունենք։ Դեռ կտեսնենք՝ ինչպիսին կլինի որոշումը, համենայնդեպս, շտապելու տեղ չունենք»:
Էնրիկեի որոշումը կարող է լինել նախորդ մրցաշրջանի նման, այսինքն՝ Բրավոն դաշտ դուրս գա Իսպանիայի առաջնությունում, իսկ Տեր Շտեգենը՝ Իսպանիայի գավաթում և Չեմպիոնների լիգայում:
Սիրարփի Աղաբաբյան
