Այս հզոր թեյը կօգնի ուռած ոտքերի դեպքում
Ոտքերի ուռածությունն արյան վատ շրջանառության և երակային անբավարարության նախնական նշան է: Սովորաբար երակները հետևում են, որ արյունը հոսի դեպի սիրտ՝ այսպես կոչված, միակողմանի փականի միջոցով: Երբ այդ փականը թուլանում է կամ դադարում է աշխատել, արյունը հոսում է դեպի ներքև՝ թույլ տալով, որ հեղուկը կուտակվի ներքին վերջույթներում, հատկապես՝ ոտնաթաթերում:
Կան բազմաթիվ պատճառներ, թե ինչո՞ւ է այս առողջական խնդիրն ի հայտ գալիս մարդկանց մոտ: Դրանցից են՝ մարմնի ավելորդ քաշը, աղով հարուստ սննդակարգը, հղիությունը, երկարատև նստած կամ կանգնած մնալը:
Այնուամենայնիվ, կան մի քանի մեթոդներ, որոնք կօգնեն կանխարգելել ոտքերի ուռածությունը: Դրանք են՝
- Երբ պառկած եք, ոտքերը բարձրացրեք սրտից վեր
- Ոտքերի մարզանք կատարեք
- Կարգավորեք սննդակարգը, կրճատեք աղը
- Խուսափեք կիպ հագուստներ կրելուց
- Մաղադանոսի թեյ խմեք
Մաղադանոսի թեյ խմելն իսկապես կարող է օգնել ազատվել ոտքերի ուռածությունից, քանի որ այս խոտաբույսը պարունակում է բազմաթիվ սննդարար տարրեր: Մաղադանոսի մեկ այլ օգտակար հատկանիշն այն է, որ այն ունի միզամուղ հատկանիշներ, որոնց շնորհիվ էլ օրգանիզմից դուրս է գալիս ավելորդ հեղուկը:
Ինչպե՞ս պատրաստել այս պարզ թեյը
Մաղադանոսի արմատներն ու տերևները մանր կտրատեք: 5 թեյի գդալ մաղադանոսը եռացրեք կես լիտր ջրի մեջ 5 րոպե: Ապա թողեք մնա 20 րոպե և սառեցրեք: Եռացրած մաղադանոսը քամեք: Ստացված թեյի մեջ կարող եք մի փոքր կիտրոնի հյութ ավելացնել՝ համը հարստացնելու համար:
Օրական 3անգամ խմեք այս թեյը՝ լավագույն արդյունքի հասնելու համար:
Նյութը հրապարակման պատրաստեց Լիլիթ Հարությունյանը