Բաժիններ՝

Ամերիկայի գավաթի եզրափակչի ժամանակ չիլիացի երկրպագուները հարձակվել են Մեսսիի ընտանիքի վրա

Արգենտինացի հարձակվող Լիոնել Մեսսիի ընտանիքի անդամները թաքնվել են հեռուստատեսային խցում:

Ամերիկայի գավաթի եզրափակիչ խաղի ժամանակ չիլիացի երկրպագուները «Նասիոնալ» մարզադաշտի տրիբունաներում ճանաչել են Լիոնել Մեսսիի ծնողներին և սկսել են վիրավորել նրանց:

Մեսսիի ծնողներից բացի խաղին ներկա են գտնվել նրա երկու եղբորորդիները և երկու հարազատ եղբայրները, որոնցից մեկը` Ռոդրիգոն, հարված է ստացել դեմքին:

Հարձակման պատճառով Մեսսիի ընտանիքը ստիպված է եղել թաքնվել հեռուստատեսային խցում: Կոնֆլիկտային իրավիճակին խառնվել է Չիլիում Արգենտինայի դեսպան Խինես Գոնսալես Գարսիան, և ներողություն է խնդրել պատահարի համար Մեսսիի հարազատներից, հայտնում է Сope.es-ը:

Խաղն ավարտվել է հետխաղային 11 մետրանոց հարվածաշարաով, որն ավարտվել է 4:1 հաշվով` հօգուտ Չիլիի հավաքականի:

Խաղի հիմնական և ավելացված ժամանակում հավաքականներից ոչ մեկը չի կարողացել գոլ խփել:

Չիլիի հավաքականը 2017 թ. Կոնֆեդերացիայի գավաթի ուղեգիր է վաստակել, որը տեղի է ունենալու Ռուսաստանում:

Պատրաստեց Անի Գաբուզյանը

Բաժիններ՝

Տեսանյութեր

Լրահոս