ԱՄՆ-ի կառավարությունը կարող է կալանքի տակ դնել երկրի տարածքում առկա ռուսական ունեցվածքը
Daily Telegraph օրաթերթի փոխանցմամբ՝ հայցով Վաշինգտոնի դատարան են դիմել Միխայիլ Խոդորկովսկու հիմնադրած ՅՈՒԿՕՍ նավթային ընկերության նախկին բաժնետերերը և դատարանից պահանջում են ԱՄՆ-ի տարածքում կյանքի կոչել Հաագայի արբիտրաժային դատարանի վճիռը, որով Ռուսաստանից հօգուտ ՅՈՒԿՕՍ-ի բաժնետերերի պետք է գանձվի շուրջ 50 միլիարդ ամերիկյան դոլար:
Թերթը գրում է, թե չի բացառվում, որ առաջիկայում ԱՄՆ կառավարությունը կալանքի տակ դնի երկրի տարածքում գտնվող ՌԴ-ին պատկանող սեփականությունը:
