Սաուդյան Արաբիայի արքայազնը 300 հազար դոլար օգնություն է հատկացրել Թբիլիսիի ջրհեղեղից տուժածներին
Սաուդյան Արաբիայի արքայազն Ալ-Վալիդ բին Թալյալ բին Աբդուլազիզ Ալ Սաուդը 300 հազար դոլար օգնություն է հատկացրել Թբիլիսիի ավերիչ ջրհեղեղից տուժածներին, հայտնում է Վրաստանի ԱԳՆ մամլո ծառայությունը:
«Մենք ուշադիր հետևում ենք իրադարձությունների զարգացմանը, որ տեղի են ունեցել Վերե գետի կիրճում ավերիչ աղետի հետևանքով: Ցանկանում ենք մեր ցավակցությունը հայտնել վրացի ժողովրդին: Ծանր պահերին ընկերները միշտ ձեր կողքին են:
Alwaleed Philanthropies հիմնադրամը առաջինների թվում է, ովքեր օգնում են ջրհեղեղից տուժածներին»,-Վրաստանի վարչապետ Իրակլի Ղարիբաշվիլիին ուղղված նամակից մեջբերում է կատարել Sputnik գործակալությունը:
Սաուդցի արքայազնը վստահություն է հայտնել, որ հիմնադրամը զգալի ավանդ կունենա ջրհեղեղի ավերիչ հետևանքների վերացման հարցում:
