Թուրքիայի իշխող կուսակցությունը տվել է երկրի խորհրդարանի նախագահի իր թեկնածուի անունը
Թուրքիայի իշխող «Արդարություն և զարգացում» կուսակցությունը համաձայնության է եկել երկրի խորհրդարանի նախագահի թեկնածուի ընտրության հարցում: Ինչպես հայտնում է TRT Haber հեռուստաալիքը, նա Թուրքիայի պաշտպանության նախարար Իսմեթ Յըլմազն է:
Ավելի վաղ այդ պաշտոնի համար նշվում էր ԵՄ հարցերով նախարար Վոլկան Բոզկիրի անունը: Ավելի վաղ Թուրքիայի ընդդիմադիր կուսակցությունները առաջադրել էին երկրի խորհրդարանի նախագահի պաշտոնում իրենց թեկնածուներին:
«Ժողովրդա-հանրապետական» կուսակցությունը առաջադրել է նախկին ղեկավար, 77-ամյա Դենիզ Բայքալին, ով ներկայում ժամանակավորապես ղեկավարում է Թուրքիայի խորհրդարանը, իսկ «Ազգային շարժում» կուսակցությունը՝ Իսլամական համագործակցության կազմակերպության նախկին ղեկավար Էքմելեդդին Իխսանօղլուին:
Թուրքիայում խորհրդարանի նախագահի ընտրություններն տեղի կունենան հունիսի 30-ին:
