Լուկաշենկոն հանձնարարել է ստորագրել ԵՏՄ-ի ու Վիետնամի միջև ազատ առևտրի գոտու մասին համաձայնագիրը
Ռուսական РИА Новости լրատվական գործակալության փոխանցմամբ՝ Բելառուսի նախագահ Ալեքսանդր Լուկաշենկոն հավանության է արժանացրել ԵՏՄ-ի ու Վիետնամի միջև ազատ առևտրի մասին համաձայնագրի նախագիծը և երկրի կառավարությանը լիազորել է Բելառուսի անունից ստորագրել այն:
Այս մասին այսօր հայտնել է Բելառուսի նախագահի մամլո ծառայությունը: Ավելի վաղ Ռուսաստանի վարչապետ Դմիտրի Մեդվեդևը հայտարարել է, որ ԵՏՄ-ի հետ ազատ առևտրի գոտու մասին համաձայնագրով Վիետնամին կառաջարկվեն էական արտոնություններ: Ռուսաստանի կառավարությունն արդեն իսկ հավանության է արժանացրել ԵՏՄ-ի ու Վիետնամի միջև ազատ առևտրի գոտու մասին համաձայնագիրը:
