Լյարդի «բարեկամներն ու թշնամիները»

Շատերին է հուզում այն հարցը, թե ինչպես լյարդը պաշտպանել անակնկալ կամ սխալ կենսակերպի հետևանքով ի հայտ եկած «ավերածություններից»:

Լյարդն աշխատում է վակուումի նման: Այն սպունգի պես իր մեջ է ներծծում բոլոր օգտակար և թունավոր նյութերը: Ճիշտ աշխատանքի դեպքում նրա մակերեսը միշտ մաքուր և փայլուն է լինում, չնայած որ չնչին թունավորումներն անգամ ի վիճակի են այն փոփոխության ենթարկել անճանաչելիության աստիճանի: Լյարդի հիմնական ֆունկցիան մարսողությունն ու թույներից արյան ֆիլտրումն է: Այն նաև նպաստում է օրգանիզմում սննդարար նյութերի վերափոխմանն ու տեղաբաշխմանը: Լյարդի համար շատ օգտակար է սննդակարգում անընդհատ ընդգրկել բջջանյութի բարձր պարունակությամբ մթերքներ, ինչպես նաև համեմունքներ, ինչպիսիք են դարչինը, քրքումը, որոնք շատ լավ մաքրում են լյարդը:

Հարկավոր է խուսափել տապակած և ճարպոտ սննդից, ծխեցրած, թթու դրած ու աղի մթերքներից, ինչպես նաև աղանդերից և շաքարի բարձր պարունակությամբ մթերքներից:

Ահա լյարդի համար օգտակար մթերքների ցանկը՝

1. Խնձոր
Հարուստ է պեկտիններով: Օրական 2 խնձոր ուտելը պարտադիր է:

2. Նարնջագույն բանջարեղեն, հատկապես դդում և գազար:
Կարելի է նաև պղպեղ և լոլիկ: Դդումն ընդհանրապես իրավամբ ամբողջովին համարվում է լյարդի համար լավագույն մթերքը:

3. Բազուկ
Ավելացրեք ապուրների և աղցանների մեջ: Կարելի է նաև խաշել 2-3 բազուկ, ստացված թուրմը քամել և խմել օրական 2 անգամ ուտելուց առաջ՝ 0,5 բաժակ:

4. Բանան
Կալիումի աղբյուր է, որն անհրաժեշտ է լյարդին, բայց ոչ մեծ քանակությամբ:

5. Ցիտրուսային մրգեր
Հայտնի փաստ է, որ ցիտրուսայինները հարուստ են C վիտամինով, որը գործում է ինչպես բնական հակաօքսիդանտ: Մաքրում են լյարդը և նրա հյուսվածքները:

6. Նուշ
Պարունակում է մեծ քանակությամբ արգինին ամինաթթուն, որը նպաստում է դետոքսիկացիային: Այդ պատճառով էլ նուշն օգտակար է լյարդը մաքրելու համար: Ընկույզի այս տեսակը հարուստ է նաև օմեգա-3 ճարպոտ ամինաթթվով և գլուտատիոնով, որոնք տարբեր կերպ են ազդում, բայց արդյունքում՝ օրգանները մաքրում են բնական եղանակով:

7. Քրքում (Куркума, Cúrcuma)
Գիտական հետազոտությունների համաձայն՝ այս բույսը պարունակում է այնպիսի նյութեր, ինչպիսիք են բորնեոլը, թուրմերոնը, էվենգոլը և սրճաթթուն: Սրանք բարձրացնում են լյարդի պաշտպանական ֆունկցիաները, մաքրում են այն թույներից և նպաստում վերջինիս առողջացմանը: Քրքումը նաև լավացնում է մարսողությունը: Ավելացրու քրքումը սննդակարգիդ մեջ՝ դեղնախտից, ցիռոզից և լյարդի այլ վտանգավոր հիվանդություններից խուսափելու համար:

8. Չրեր՝ չամիչ, սալորաչիր և ծիրանաչիր:
Հայտնի, որ լյարդը քաղցր սիրում է, բայց այս տեսակի քաղցրը շատ ավելի օգտակար է:

9. Վարսակի և հնդկաձավարի շիլաներ:
Այս շիլաներն առավոտյան ուտելը պարզապես պարտադիր է:

10. Սոխ
Արցունքաբեր այս բանջարեղենը ոչնչացնում է քաղցկեղային բջիջները: Սրա պարբերական օգտագործման դեպքում օրգանիզմը պաշտպանում եք լյարդի և հաստ աղիի քաղցկեղից:

11. Քունջութի սերմեր
Պարունակում է սեզամին նյութը, որը լյարդը պաշտպանում է թթվայնացնող վնասվածքներից:

12. Ձիթապտղի յուղ
Ձիթապտղի բնական յուղը լյարդի հյուսվածքները պաշտպանում է քայքայումից այնպես, ինչպես կտավատի սերմը, քանի որ նրանք ձևավորում են լիպիդային բազա, որը ներծծում է թույները և դրանք դուրս բերում լյարդից: Բացի դրանից, ձիթայուղը կանխում է նաև անոթային և ուռուցքային հիվանդությունները:

13. Կանաչ լոբի և ոսպ
Մեծ քանակությամբ սպիտակուցների գործածումը բարերար ազդեցություն չի գործում լյարդի վրա, իսկ լոբին և ոսպը պատկանում են հեշտ յուրացվող սպիտակուցների թվին: Այդ պատճառով երբեմն միսը փոխարինեք վերոբերյալ մթերքներով:

14. Սխտոր
Հարուստ է ալլիցինով և սելենով, որոնք կատարյալ են լյարդը մաքրելու և առողջացնելու համար: Բացի դրանից՝ սխտորը օգնում է կարգավորել արյան մեջ խոլեստերինի մակարդակը, բարելավել արյան շրջանառությունը և բարձրացնել օրգանիզմի պաշտպանական հատկությունները: Ցանկալի է օգտագործել թարմ սխտոր:

14. Բրոկկոլի, սպիտակագլուխ կաղամբ, ծաղկակաղամբ, բրյուսելյան կաղամբ: Նպաստում են լյարդի նորմալ աշխատանքին և օրգանիզմից թույների դուրսբերման ակտիվ մասնակից են:

15. Ռեհան
Կարգավորում է օրգանիզմի մետաբոլիկ պրոցեսները: Այդ պատճառով էլ խորհուրդ է տրվում օգտագործել արյունը մաքրել ցանկացողներին:

16. Մաղադանոս
Մաղադանոսն օգնում է պայքարել լյարդի գործունեության խանգարումների դեմ: Հարուստ է A, C, P, B12 վիտամիններով:

17. Կարմիր մրգեր և բանջարեղեն
Կարմիր և նարնջագույն մրգերն ու բանջարեղենը պարունակում են լյարդի նորմալ աշխատանքի համար շատ կարևոր A վիտամին: Այն առկա է գազարի, բազուկի, ծիրանի մեջ: B2 վիտամին կա դեղձի, տանձի, սպանախի մեջ: Դդումը պարունակում է հազվագյուտ T վիտամինը, որն օգնում է յուրացնել ծանր սնունդը՝ այդպիսով բեռնաթափելով լյարդը:

18. Անյուղ կաթնաթթվային մթերքներ՝ թթվասեր, մածուն, կեֆիր, կաթնաշոռ:
Կարելի է համադրել կտավատի սերմերի հետ: Սերմերը պետք է աղալ և առավոտյան օգտագործել հետևյալ սխեմայով՝