Բաժիններ՝

Ամենաշատ մահացությունները եղել են 1993 և 1994 թվականներին

Ինչպես տեղեկացրել էինք` Օքսֆորդի համալսարանի դոկտոր Միհրան Վարդանյանն իրականացնում է մի նախագիծ (hush.am), որը տարբեր երկրներում ապրող մարդկանց հնարավորություն է տալիս ոչ միայն օնլայն գտնել հարազատների գերեզմանները և հետևել նրանց վիճակին, այլև, ինչպես 168.am-ի հետ հարցազրույցում ասել էր Միհրան Վարդանյանը, նախագիծը մեծ ներդրում է, որը հնարավորություն է տալիս կատարել ազգագրական, մշակութային, պատմական և այլ ուսումնասիրություններ: Արդեն պատրաստ են առաջին ուսումնասիրության արդյունքները, որը նախագծում ընդգրկված մասնագետները կատարել են Հայաստանի բոլոր գերեզմանների թվայնացված բազայի հիման վրա:

Ամենաշատ տարածված հայկական անվանումները

Անուն (տղամարդու) Անուն (կանացի) Ազգանուն Հայրանուն
1 Հովհաննես Ռոզա Սարգսյան Հակոբի
2 Հակոբ Սիրանուշ Հարությունյան Հարությունի
3 Սարգիս Անահիտ Գրիգորյան Կարապետի
4 Գրիգոր Մարիամ Հովհաննիսյան Խաչատուրի
5 Հարություն Սեդա Հակոբյան Սարգսի
6 Գևորգ Աստղիկ Խաչատրյան Գևորգի
7 Աշոտ Հասմիկ Վարդանյան Մկրտիչի
8 Սուրեն Հայկանուշ Պետրոսյան Պետրոսի
9 Լևոն Գոհար Կարապետյան Ավետիսի
10 Գուրգեն Սաթենիկ Գևորգյան Արշակի

Ըստ հայկական գերեզմանատների թվային տվյալների ուսումնասիրության, ընդհանուր մահացելիության աճ է գրանցվել 1993 և 1994 թվականներին (առանձին սեռերի համար՝ տղամարդկանց շրջանում՝ 1993 և 1994 թվականներին, իսկ կանանց մոտ՝ 2009 և 2006 թականներին): Ամենահաճախ հանդիպող ծննդյան տարեթվերն են՝ 1928, 1927, 1926:

Ուսումնասիրության համար hush.am-ի մասնագետները տվյալները դիտարկել են Հայաստանի տարածքում պահպանված ամենահին գերեզմանաքարի տվյալներից սկսած. Հայաստանի տարածքի ամենահին գերեզմանը Նորադուզի գերեզմանատանը Հովակիմյանց Տեր Կարապետ Ավետիսի պահպանված գերեզմանն է (1780-1870): Իսկ ընդհանրապես, ինչպես նշեց Միհրան Վարդանյանը, Հայաստանի տարածքից դուրս հնագույն գերեզման է համարվում նաև Թբիլիսիի հայկական պանթեոնում Մկրտում Հովնաթանյանի գերեզմանը   (1765-1845):

Կարդացեք նաև

mahacutyun (1)

Ուսումնասիրությունները և Հայաստանից դուրս գտնվող հայկական գերեմանատների թվայնացումը շարունակվում են, և, ինչպես նշեց նախագծի հեղինակը, նախագիծը հնարավորություն կտա առաջիկայում այլ ուսումնասիրություններ ներկայացնել նաև տարբեր երկրներում պահպանված հայկական գերեզմանատների թվային տվյալների հիման վրա:

 

Բաժիններ՝

Տեսանյութեր

Լրահոս