Ռաուլ Կաստրոն համաձայնվել է Հաղթանակի 70-ամյակի կապակցությամբ ժամանել Մոսկվա
Ռուսական ТАСС լրատվական գործակալության փոխանցմամբ՝ Կուբայի ղեկավար Ռաուլ Կաստրոն համաձայնել է Հաղթանակի 70-ամյակի կապակցությամբ ժամանել Մոսկվա: Այս մասին հայտարարել է Ռուսաստանի Դաշնության խորհրդի ղեկավար Վալենտինա Մատվիենկոն.
«Դա (Կաստրոյի այցը) վկայում է պատմությունը վերանայելու անթույլատրելիության, Խորհրդային բանակի դերի նվազեցման հանդեպ (Ռուսաստանի ու Կուբայի) մոտեցումների մերձեցման մասին»: Մատվիենկոն հավելել է, որ Կուբայում Հաղթանակի 70-ամյակի կապակցությամբ կանցկացվեն մի շարք միջոցառումներ, որոնց կմասնակցի նաև ռուսական կողմը:
Սրանից առաջ Ռուսաստանի նախագահի աշխատակազմի ղեկավար Սերգեյ Իվանովը հայտարարել է, որ Հաղթանակի զորահանդեսին իրենց մասնակցությունը հաստատել են 25 երկրների ու միջազգային մի շարք կազմակերպությունների ղեկավարներ: Վերջնական ցուցակը կհստակեցվի միայն մայիսի սկզբին:
