«Նորմանդական քառյակի» ներկայացուցիչների հանդիպումը Բեռլինում տեղի կունենա մարտի 6-ին
Ռուսական РИА Новости լրատվական գործակալության փոխանցմամբ՝ «նորմանդական քառյակի» երկրների ներկայացուցիչների հանդիպումը Բեռլինում տեղի կունենա մարտի 6-ին, որի ժամանակ նրանք կքննարկեն Ուկրաինայում տիրող իրավիճակի կարգավորման հարցը: Այս մասին հայտարարել է Գերմանիայի կառավարության պաշտոնական ներկայացուցիչ Շտեֆան Զայբերտը:
Անցած գիշեր «նորմանդական քառյակի» առաջնորդները՝ Ռուսաստանի նախագահ Վլադիմիր Պուտինը, Գերմանիայի կանցլեր Անգելա Մերկելը, Ֆրանսիայի նախագահ Ֆրանսուա Օլանդը և Ուկրաինայի նախագահ Պյոտր Պորոշենկոն, հեռախոսազրույցներ են ունեցել միմյանց հետ: Նրանք ընդգծել են, որ Ուկրաինայում ճգնաժամի կարգավորման գործընթացում առկա է առաջընթաց:
