Կծու պղպեղը՝ ռևմատիզմի և հոդացավերի դեմ
Ցավերը հանգստացնող այս յուղը պատրաստված է կծու պղպեղից և արդյունավետ է ռևմատիզմի և հոդացավերի դեպքում: Յուղը պատկանում է գրգռող և տաքացնող յուղերի դասին: Այն լայնացնում է մազանոթները, մաշկի վերին շերտում լավացնում է շրջանառությունը, ուժեղացնում վիտամինների նյութափոխանակությունը և ակտիվացնում մաշկի վերականգնողական գործընթացը:
Բաղադրատոմսը հետևյալն է.
- կարմիր կծու 10 թարմ պղպեղ
- 2 բաժակ սառը ձիթապտղի յուղ
- 1լ ջուր
Պատրաստման եղանակը.
Լվացեք պղպեղը և հեռացրեք վերին ցողունը, այնուհետև այն աղացեք: Աղացած պղպեղի մեկ բաժակը տեղավորեք տարայի մեջ և վրան ավելացրեք ձիթայուղը՝ մինչև խառնուրդը ծածկի: Ստացված խառնուրդը տեղադրեք մութ և չոր վայրում 7 օրով: Այնուհետև թանզիֆի (марля) միջոցով քամեք ստացված յուղը: Այն պետք է կարմրավուն գույն ունենա և նախատեսված է միայն արտաքին օգտագործման համար:
Օգտագործեք ստացված յուղը ցավոտ մասերը բուժելու նպատակով: Յուղը ցավոտ մասերին քսելուց հետո այն փաթաթեք տաք շարֆով: Մաշկի վրա թույլ, բայց հաճելի այրոց կզգաք: Յուղը տաքացնում է մաշկը՝ առանց այն վնասելու:
Ժամանակի ընթացքում կրճատեք յուղն օգտագործելու քանակը: 1-2 ամիս օգտագործելուց հետո այն ցավոտ մասերին քսեք միայն օրը մեկ անգամ: Յուղը պահեք մութ վայրում:
Նյութը հրապարակման պատրաստեց Լիլիթ Հարությունյանը
