Դավիթ Բաբայանը հերքում է, թե Ադրբեջանի կողմից հայկական անօդաչու սարք է խոցվել
Լեռնային Ղարաբաղի նախագահի մամուլի քարտուղար Դավիթ Բաբայանը 168.am-ի հետ զրույցում հերքեց ադրբեջանական լրատվամիջոցների կողմից տարածված տեղեկատվությունը, թե Ադրբեջանի կողմից հայկական անօդաչու սարք է խոցվել: Նրա խոսքով՝ դա պարզապես ապատեղեկատվություն է, որն ադրբեջանական քարոզչության բաղադրիչ մասն է կազմում:
Հիշեցնենք, որ այսօր haqqin.az կայքը ժամը 14:48 տեղեկություն էր տարածել, թե 40 րոպե առաջ Աղդամի ուղղությամբ Ադրբեջանի կողմից հայկական անօդաչու սարք է խոցվել:
