Բիձինա Իվանիշվիլին հերթական անգամ քննադատել է Վրաստանի նախագահին
Վրացական «Իմեդի» հեռուստաընկերությանը տված հարցազրույցի ժամանակ Վրաստանի նախկին վարչապետ Բիձինա Իվանիշվիլին հերթական անգամ քննադատել է երկրի նախագահ Գեորգի Մարգվելաշվիլուն:
Իվանիշվիլին դժգոհել է, որ Մարգվելաշվիլին իրեն համարում է «երկրի թիվ մեկ դեմք», մինչդեռ Սահմանադրության համաձայն՝ նա չունի համապատասխան լիազորություններ. «Կարող եմ անել նոր նկատառում, որ նա մեծապես սովոր է և հիմնել է «երկրի թիվ մեկ դեմք» տերմինը:
Բոլոր ԶԼՄ-ները կրկնում են դա, նա պետք է վերանայի այդ իմաստը: Ձևականորեն այդպես էլ անվանվում է՝ պետության ղեկավար, սակայն Սահմանադրության համաձայն՝ նա արդեն իսկ չունի նախագահական հանրապետությանը բնորոշ նախագահական լիազորություններ» :
Իվանիշվիլին չի բացառել, որ Վրաստանում կարող են անցկացվել վաղաժամ խորհրդարանական ընտրություններ՝ դրա հետ մեկտեղ ընդգծելով, որ դեռ չի տեսնում նման անհրաժեշտություն:
