Բաժիններ՝

Միրանդա Քերը ստեղծել է թեյի սպասքի հավաքածու (լուսանկարներ)

Հայտնի մոդել Միրանդա Քերն իր այգու գեղեցկությամբ և թեյախմության հիշողություններով ոգեշնչված՝ թեյի սպասքի իր հավաքածուն է ստեղծել: Այս մասին գրում է graziamagazine.ru կայքը:

Ծագումով ավստրալացի Քերը որոշել է իր ուժերը փորձել դիզայնի ասպարեզում, ճիշտ է՝ առայժմ միայն «Royal Albert» բրիտանական ապրանքանիշի թեյի սպասքի:

Կազմակերպության ներկայացուցիչը խոսելով Միրանդայի հետ աշխատանքի մասին՝ նշել  է. «Միրանդան մեր ապրանքանիշի դեմքն է: Նա թեյախմության արվեստի մեջ մտցնում է մոդելին հատուկ շքեղություն»:

ker2

Կարդացեք նաև

«Miranda Kerr for Royal Albert» հավաքածուն ամբողջովին անգլիական ամուր ճենապակուց է: Այն բաղկացած է բաժակներից, ափսեներից, թեյնիկից, թխվածքների համար նախատեսված եռաթև պատվանդանից: Հավաքածուն շատ շքեղ է, սպասքի յուրաքանչյուր նմուշի վրա պատկերված են Միրանդայի սիրելի քաջվարդն ու թիթեռները:

Միրանդայի խոսքերով՝ իրեն ոգեշնչել են բնության հանդեպ սերը, իր այգու գունային գամման, իր ճանապարհորդությունները և հիշողություններն այն մասին, թե ինչպես էր ժամանակ անցկացնում տատիկի հետ՝ թեյի սեղանի շուրջ:

ker1

Թեյի համար նախատեսված սպասքն արդեն կարելի է ձեռք բերել Royal Albert ապրանքանիշի կայքում: Բաժակների, ափսեների ու թեյապնակի արժեքն է 60 դոլար, իսկ պատվանդանինը՝ 80:

ker4 ker3

Նյութը հրապարակման պատրաստեց Լիլիթ Հարությունյանը

 

 

 

Բաժիններ՝

Տեսանյութեր

Լրահոս