Բաժիններ՝

Ի՞նչ պատրաստել ձմռանը

Սննդաբան (դիետոլոգ), գաստրոէնտերոլոգ Վարդանուշ Պետրոսյանը իր ֆեյսբուքյան էջում գրում է.

«Ցուրտ եղանակներին անընդհատ ուզում ես որևիցե մի տաքացնող բան ըմպել, կամ ուտել:

Կարելի է խելամիտ որոշումներ կայացնել՝ուտելով և՛ հաճելի և՛ օգտակար սնունդ:
Ձմեռվա ընթացքում խորհուրդ է տրվում հաճախ օգտագործել հետևյալ սննդամթերքները:

Բանջարեղեն

Կարդացեք նաև

banjarexenԱյս սեզոնին բանջարեղենը հիմնականում ներկրվում է, բայց դրանցից գազարը, բազուկն ու ճակնդեղը ցրտադիմացկուն են և հաստատ տեղական: Այս բանջարեղենները ձեզ կտան բետա- կարոտինի, C և A վիտամինների պաշար, որոնք կօգնեն դիմակայել ձմռան ցրտերին:

Վարսակի փաթիլներ

Վարսակի փաթիլները ավելի քան անհրաժեշտ են ձմռանը: Վարսակը հարուստ է ցինկով, որը կարևոր է իմունային համակարգի ամրապնդման համար, հարուստ է լուծվող բջջանյութով, որը բարելավում է սրտի աշխատանքը:

Տաք ճաշեր

Սուպերը ամենահարմար և հաճելի ուտեստն են ձմռան համար: Կարելի է եփել բազմատեսակ բանջարեղենային սուպեր՝ սառեցրած և թարմ բանջարեղեններով: Ուտելիս սուպերին թեփ ավելացրեք, կամ կերեք ամբողջական հացահատիկների ալյուրից թխված հացով:

Ձկնեղեն

Լավ են ծովային, օվկիանոսային, ավելի յուղոտ ձկները, որոնք Օմեգա -3-ի ու վիտամին D-ի հրաշալի աղբյուր են:

banjarexenԾաղկակաղամբ և բրոկոլի

Այս երկուսն էլ վիտամին C-ի աղբյուր են հանդիսանում: Որքան հնարավոր է շատ օգտագործեք: Չմոռանաք նաև սովորական կաղամբը և C վիտամինի մեծ պաշար ունեցող մոլոկանի թթուն:

Համեմեք ուտելիքները տարատեսակ համեմունքներով և կերեք հաճույքով:

Առողջ սնվեք և առողջ եղեք ողջ ձմեռ»:

Բաժիններ՝

Տեսանյութեր

Լրահոս