3 բաղադրատոմս` ճարպերն այրող կոկտեյլ պատրաստելու համար

Ճարպերն այրող կոկտեյլները հիանալի միջոց են ավելորդ քաշի դեմ պայքարելու համար: Նրանք արագացնում են նյութափոխանակությունը, վերացնում են քաղցի զգացումը, հարստացնում օրգանիզմը  վիտամիններով և հանքանյութերով: Aroxj.am-ը  ներկայացնում է 3 կոկտեյլի բաղադրատոմս, որոնք օգնում են այրել ավելորդ ճարպերը:

Բաղադրատոմս 1- Անանուխով և կիտրոնով թեթև կոկտեյլը օրվա սկզբին կառույգացնի, էներգիա կհաղորդի և կօգնի ազատվել ավելորդ սանտիմետրներից:

Կիվի- 1 հատ
Կիտրոն – 2 կտոր
Անանուխ – 7 ճյուղ
Մաղադանոս- 7 ճյուղ
Ջուր -100 մլ
Մեղր – ըստ ճաշակի և ցանկության:

Կիվին մաքրել և ոչ մեծ կտորների կտրատել: Լցնել բլենդերի մեջ: Կիվիին ավելացնել կիտրոն, կանաչի և ջուր, լավ խառնել: Միանգամից օգտագործել պատրաստելուց հետո:

Բաղադրատոմս  2- Էկզոտիկ մրգերի սիրահարների ճաշակով կլինի արքայախնձորով և թուրինջով կոկտեյլը: Այս մթերքները դդմի սերմերի հետ ճարպերն այրելու գործում լավագույններից  է:

Թուրինջ – ¼  հատ
Կեֆիր – 250 մլ
Դդմի սերմեր – 30 գ.
Կոկոսի յուղ – 30 մլ
Թուրինջը և արքայախնձորը մաքրել, ոչ մեծ կտորների կտրատել և լցնել բլենդերի մեջ: Մրգերին ավելացնել կեֆիր, սերմեր և կոկոսի յուղ, խառնել:

 Բաղադրատոմս 3 – Եթե որոշել կարճ ժամանակահատվածում  մի քանի կիլոգրամից ազատվել, այս գործում անփոխարինելի օգնական կդառնա կեֆիրով, դարչինով և պղպեղով կոկտեյլը: Կաթնաթթվային մթերքները բարելավում են մարսողական համակարգի աշխատանքը, իսկ համեմունքներն արագ այրում են կալորիաները:

Կեֆիր- 250 մլ
Կարմիր պղպեղ-1 պտղունց
Կոճապղպեղ – 0,5 թեյի գդալ
Դարչին – 0,5 թեյի գդալ

Բոլոր բաղադիչները խառնել, բլենդերով լավ անցկացնել:

Պատրաստելուց անմիջապես հետո ընդունել: Ցանկալի է սա խմել քնելուց առաջ:

Պատրաստեց՝ Լիլիթ Կարապետյանը