Ֆրանսիան կարող է ճանաչել Պաղեստինը
Բրիտանական Reuters լրատվական գործակալության փոխանցմամբ` Ֆրանսիան կարող է ճանաչել Պաղեստինը, եթե վերջնականապես ձախողվեն Իսրայելի հետ բանակցությունները: Այս մասին խորհրդարանում հայտարարել է Ֆրանսիայի արտգործնախարար Լորան Ֆաբիուսը.
«Եթե բանակցություններն ավարտվեն ձախողմամբ, ապա Ֆրանսիան անհապաղ կանցկացնի անհրաժեշտ բոլոր ընթացակարգերը` ճանաչելու համար պաղեստինյան պետությունը: Մենք պատրաստ ենք»:
Ֆաբիուսի խոսքերով` միջազային հանրությունն աջակցի հակամարտող կողմերին կամ էլ ճնշում գործադրի նրանց վրա, որպեսզի վերջին քայլը կատարվի խաղաղության ճանապարհին:
Դեկտեմբերի 2-ին Ֆրանսիայի խորհրդարանում քվեարկություն է անցկացվելու Պաղեստինը որպես պետություն ճանաչելու շուրջ: Իսրայելի վարչապետ Բենիամին Նեթանյահուն այդ քայլը որակել է որպես «լուրջ սխալ»:
