ՆԱՏՕ-ն կընդունի իրեն անդամակցելու հարցի շուրջ Ուկրաինայի յուրաքանչյուր որոշում. Սթոլթենբերգ
Ռուսական Эхо Москвы ռադիոկայանին տված հարցազրույցի ժամանակ ՆԱՏՕ-ի գլխավոր քարտուղար Յենս Սթոլթենբերգը հայտարարել է, որ ՆԱՏՕ-ն կընդունի իրեն անդամակցելու հարցի շուրջ Ուկրաինայի յուրաքանչյուր որոշում.
«Եթե բնակիչների մեծ մասը որոշի չփոխել քաղաքականությունն ու հայտ չներկայացնել ՆԱՏՕ-ին անդամակցելու համար, ապա այդ դեպքում հարցը չի բարձրացվի: Սակայն եթե քաղաքացիների մեծ մասը հանրաքվեի ժամանակ, որը կազմակերպելու է կառավարությունը, կողմ արտահայտվի անդամակցությանը, ապա այդ դեպքում իսկապես կառաջանա այդպիսի հարց: Վերջնական որոշումն Ուկրաինայինն է»:
Սթոլթենբերգն ընդգծել է, որ հարգել է Վիկտոր Յանուկովիչի նախագահության ժամանակ ընդունված որոշումը` կապված Ուկրաինայի ոչ բլոկային կարգավիճակը պահպանելու հետ: Սթոլթենբերգը հավելել է, որ եթե ներկայումս փոխվի այդ որոշումը, ապա ինքը նույնպես կհարգի այն:
Ուկրաինայի նախագահ Պյոտր Պորոշենկոն հայտարարել է Ուկրաինայի ոչ բլոկային քաղաքականությունից հրաժարվելու մասին` ընդգծելով, որ ՆԱՏՕ-ին անդամակցելու կամ չանդամակցելու հարցը պետք է վճռվի հանրաքվեի ժամանակ:
