Եգիպտոսի գլխավոր դատախազությունը պահանջել է մահապատժի ենթարկել Մուհամմեդ Մուրսիին
MENA գործակալության փոխանցմամբ՝ Եգիպտոսի գլխավոր դատախազությունը պահանջել է մահապատժի ենթարկել նախկին նախագահ Մուհամմեդ Մուրսիին ու «Մուսուլման եղբայրներ» շարժման ևս 35 անդամի, որոնք մեղադրվում են լրտեսության մեջ:
Դատական գործընթացի ժամանակ իր ամփոփիչ խոսքում դատախազը հայտարարել է, որ Մուրսին ու նրա օգնականները գաղտնի փաստաթղթեր են տրամադրել օտար հատուկ ծառայություններին և մասնավորապես իրանական հետախուզությանը: Բացի այդ, Մուրսին ու նրա համակիրները համագործակցել են պաղեստինյան ՀԱՄԱՍ շարժման հետ՝ ապակայունացնելու համար իրավիճակը երկրում:
Մուրսին նիստի ժամանակ հայտարարել է, որ չի ճանաչում դատարանի իրավասությունը: Ընդ որում, նա ցանկություն է հայտնել իրեն պաշտպանել ինքնուրույն հաջորդ լսումների ժամանակ, որոնք անցկացվելու են նոյեմբերի 26-ին:
