Բացահայտվել է խարդախության՝ 7, խուլիգանության՝ 2, կավատության, կողոպուտի, գողության և շորթման 1-ական դեպք

Ըստ ոստիկանության օպերատիվ հաղորդագրությունների ամփոփագրերի` հոկտեմբերի 30-ից 31-ն ընկած ժամանակահատվածում հանրապետությունում արձանագրված մարմնական վնասվածք հասցնելու 4 դեպքերը բացահայտվել են:

Բացահայտվել է խարդախության՝ 7, խուլիգանության՝ 2, կավատության, կողոպուտի, գողության և շորթման 1-ական դեպք:

Նախկինում կատարված հանցագործություններից բացահայտվել է սպանության 1 և գողության 2 դեպք:

Անցած 1 օրվա ընթացքում հանրապետությունում արձանագրվել է ճանապարհատրանսպորտային 8 պատահար, ինչի հետևանքով 11 մարդ ստացել է տարբեր աստիճանի մարմնական վնասվածքներ:

ՀՀ Ոստիկանություն