ԱՄՆ-ը ողջունում է Փեշմերգայի վերաբերյալ Թուրքիայի կայացրած որոշումը
Ռուսական РИА Новости լրատվական գործակալության փոխանցմամբ՝ Վաշինգտոնը ողջունում է Թուրքիայի որոշումը՝ կապված Իրաքից Փեշմերգայի ուժերի կողմից իր տարածքով Սիրիայի Քոբանի քաղաքի պաշտպաններին օգնության հասնելը թույլատրելու հետ:
Այս մասին հայտարարել է ԱՄՆ պետդեպարտամենտի ներկայացուցիչ Մարի Հարֆը: Ավելի վաղ Թուրքիայի արտգործնախարար Մևլյութ Չավուշօղլուն հայտարարել էր, որ Թուրքիան անարգել թույլատրելու է, որ քրդական ջոկատներն Իրաքից իր տարածքով մեկնեն Սիրիա՝ «Իսլամական պետության» դեմ պայքարելու համար:
Հարֆի խոսքերով՝ ԱՄՆ-ը ողջունում է այդ որոշումը: ԱՄՆ-ը ձգտում է շփումներ հաստատել Սիրիայի քրդերի հետ՝ «Իսլամական պետության» դեմ համատեղ պայքարելու համար:
