Հայաստանը փոքր երկիր է, սակայն անհավատալի փողեր կան այնտեղ. թուրք գործարար
Թուրքական Sabah թերթի փոխանցմամբ՝ Աֆրիկայում իրականացրած շինարարական նախագծերով հայտնի «Օզթյուրքլեր Հոլդինգ» ընկերությունը սկսել է գործունեություն ծավալել նաև Հայաստանում: Խոսքը գնում է բնակարանաշինության մասին.
«Օզթյուրքլեր Հոլդինգ» ընկերության տնօրենների խորհրդի ղեկավար Յուսուֆ Օզթուրքը հայտարարել է. «Ներկա դրությամբ Երևանում սկսել ենք կառուցել բնակելի շենք: Այնտեղ գործարարությամբ զբաղվող առաջին թուրքն եմ: Փոքր երկիր է, սակայն անհավատալի փողեր կան»:
Օզթուրքը հավելել է, որ առաջին փուլում նախատեսված է կառուցել 5000 բնակարան:
