«Գալու է մի օր, որ երկրապահները իրենց արժանի հատուցումը կստանան» (տեսանյութ)

ՀՀ Կոտայքի մարզպետ Ա. Հարությունյանը մասնակցել է Երկրապահ կամավորականների միության Կոտայքի մարզային կառույցի կողմից մարզկենտրոն Հրազդանում կազմակեպված միջոցառումների շարքին, որը նվիրված է եղել ՀՀ Անկախության 23-րդ տարեդարձին:

Մինչ հանդիսավոր նիստը Կոտայքի մարզպետն ու Երկրապահ կամավորականների միության անդամները հարգանքի տուրք են մատուցել Արցախյան գոյամարտում զոհվածների հուշարձանին, այնուհետև այցելել Հրազդան քաղաքի թիվ 13 ավագ դպրոց:
Դպրոցի բակում ողջույնով են հանդես եկել պատանի երկրապահները, որից հետո հյուրերը հարգանքի տուրք են մատուցել կրթօջախի սան, Արցախյան հերոսամարտի մասնակից Սևան Նահապետյանի հիշատակին, ծաղիկներ դրել նրա կիսանդրուն և մասնակցել տոնական հանդիսությանը:

Հայաստանի Հանրապետության և Երկրապահ կամավորականների միության օրհներգերով ու հոգևորականի օրհնության խոսքով մեկնարկած հանդիսավոր նիստին մասնակցել են ինչպես զոհված ազատամատիկների հարազատներ, այնպես էլ Կոտայքի մարզպետարանի և Երկրապահ կամավորականների միության վարչության ու մարզային կառույցի ներկայացուցիչներ, մարզի համայնքների ղեկավարներ և հյուրեր տարբեր բնագավառներից:

Երկրապահ կամավորականների միության Կոտայքի մարզային կառույցի կողմից կազմակերպված միջոցառման մասնակիցներին ողջունել է նաև ՀՀ Կոտայքի մարզպետ Ա. Հարությունյանը` կարևորելով երկրապահների դերը մեր պետության շարունակական զարգացման , ինչպես նաև բանակի հիմնադրման նվիրական գործում:
Հանդիսավոր նիստի ընթացքում ելույթ է ունեցել նաև Երկրապահ կամավորականների միության վարչության փոխնախագահ Խաչիկ Մկրտչյանը:

Կարդացեք նաև

Ելույթներով հանդես են եկել զոհված երկրապահների հարազատներ, Երկրապահ կամավորականների միության վարչության ու մարզային կառույցի ներկայացուցիչներ, Մարզային փրկարարական վարչության ղեկավարը, Հրազդանի տարածքային զինվորական կոմիսարիատի աշխատակիցները, ինպես նաև պատանի ու երիտասարդ երկրապահներ:

Երկրապահ կամավորականների միության և մարզի տեղական ինքնակառավարման համակարգի համագործակցության ուղղություններին է անդրադարձել Հրազդանի քաղաքապետ Ա. Դանիելյանը:

ՀՀ Պաշտպանության ու Կրթության և գիտության նախարարության, ինչպես նաև Երկրապահ կամավորականների միության կողմից վերջերս ստորագրված հուշագրի շրջանակներում մարզի դպրոցներում «Պատանի երկրապահ» ակումբների հիմնադրման, ինչպես նաև կրթօջախներում ռազմա-հայրենասիրական դաստիարակության աշխատանքներին է անդրադարձել մարզպետարանի աշխատակազմի կրթության, մշակույթի և սպորտի վարչության պետ Հ. Կոստանյանը:
Միջոցառման ավարտին տեղի է ունեցել պարգևատրման, ինչպես նաև ԵԿՄ անդամատոմսերի հանձնման արարողություն:

ՀՀ Կոտայքի մարզպետարանի տեղեկատվության և հասարակայնության հետ կապերի բաժին

Տեսանյութեր

Լրահոս