«Դիլիջան ազգային պարկի» նախկին տնօրենը հեռացել է Հայաստանից
tesankyun.am-ը գրում է. Դիլիջանից ստացված տեղեկություններով «Դիլիջան ազգային պարկ» ՊՈԱԿ-ի տնօրեն Աշոտ Դավթյանն իր դիմումի համաձայն ազատվելով աշխատանքից՝ մեկնել է Մինսկ: Նա այդ քաղաքում բիզնեսով զբաղվող ընկերներ ունի:
Աշոտ Դավթյանը նախկինում աշխատել է որպես Դիլիջանի փոխքաղաքապետ:
Զանգահարեցինք սեպտեմբերի 2-ից «Դիլիջան ազգային պարկի» տնօրենի պաշտոնակատար Սահակ Մուրադյանին:
Ծագումով Արարատի մարզի Դաշտավան գյուղից է, բնակվում է Երեւանում: Ս. Մուրադյանը հայտնեց , որ ազգային պարկի տնօրենի մրցույթը կայանալու է 6 ամսվա ընթացքում, ինքը մասնակցելու է մրցույթին:
Կայքի տեղեկություներով՝ Սահակ Մուրադյանը Աժ նախկին պատգամավոր Մուրադ Մուրադյանի որդին է: Տեղեկացանք, որ Ս. Մուրադյանը 1998-2002թթ. սովորել է Երեւանի ֆիզիկուլտուրայի պետական մանկավարժական ինստիտուտում` ստանալով ֆիզկուլտուրայի մանկավարժի դիպլոմ, իսկ 2010-2012թթ.` Մաշտոցի անվան համալսարանի մագիստրատուրայում` ստանալով իրավագետի որակավորում:
