Վրաստանը փորձում է Արևմուտքի հետ համագործակցել այնպես, որ դա հակազդեցություն չառաջացնի ՌԴ-ի կողմից. Աբաշիձե
Новости-Грузия լրատվական գործակալության փոխանցմամբ` Վրաստանի իշխանությունները փորձում են Արևմուտքի հետ համագործակցել այնպես, որ հակազդեցության չհանդիպեն Ռուսաստանի կողմից:
Այս մասին այսօր հայտարարել է Վրաստանի վարչապետի` Ռուսաստանի հետ հարաբերությունների կարգավորման հարցերով հատուկ ներկայացուցիչ Զուրաբ Աբաշիձեն.
«Մենք ամեն կերպ փորձում ենք մեր եվրոպական քաղաքականությունը, ԱՄՆ-ի հետ հարաբերությունները կառուցել այնպես, որպեսզի դա Ռուսաստանի կողմից չհարուցի որևէ հատուկ հակազդեցություն:
Կարծում եմ, ով կարողացել է, տեսել է, թե ինչպիսի նրբազգացությամբ մենք աշխատեցինք (ԵՄ-ի ու Վրաստանի միջև) Ասոցացման համաձայնագրի ստորագրումից հետո»:
Զուրաբ Աբաշիձեի ու Ռուսաստանի փոխարտգործնախարար Գրիգորի Կարասինի երկկողմ հաջոևրդ հանդիպումը Պրահայում կանցկացվի հոկտեմբերին:
