Սիրիայից արձակված ականանետային արկն ընկել է Թուրքիայում
Թուրքական Anadolu լրատվական գործակալության փոխանցմամբ՝ Սիրիայում ընթացող բախումների ժամանակ Թուրքիայի տարածք են ընկել զենիթային փամփուշտներ ու ականանետային արկ:
Այս մասին հայտարարել է Թուրքիայի զինված ուժերի Գլխավոր շտաբը: Միջադեպը գրանցվել է Շանլըուրֆայի նահանգում: Զոհեր ու ավերածություններ չեն գրանցվել: Թուրքական կողմը պատասխան կրակ է բացել:
