iPhone 6-ը կներկայացվի սեպտեմբերի 9 -ին
Apple ընկերության նոր` iPhone 6 սմարթֆոնի շնորհանդեսը տեղի կունենա սեպտեմբերի 9-ին, հաղորդել է recode կայքը: Նշվում է, որ հենց այդ օրը Apple ընկերության կենտրոնական գրասենյակում կայանալիք ասուլիսում կներկայացվի նորույթը:
Ակնկալվում է, որ աշնանը սպառողները iPhone 6-ի միանգամից երկու մոդել կարող են ձեռք բերել. առաջինը կունենա 4,7 դյույմ անկյունագծով էկրան, իսկ երկրորդը կլինի հիբրիդային մոդելը` 5,5 դյույմ անկյունագծով:
Նոր սերնդի սմարթֆոնները կունենան գերկայուն` Gorilla Glass 3 ապակի, նրանց մարտկոցները 60%-ով ավելի հզոր կլինեն, քան նախորդինը՝ iPhone 5S-ինը:
