Իսրայելը մտադիր չէ բանակցություններ վարել ՀԱՄԱՍ-ի հետ
Ռուսական РИА Новости լրատվական գործակալության փոխանցմամբ՝ Իսրայելը մտադիր չէ բանակցություններ վարել ՀԱՄԱՍ շարժման հետ: Այս մասին Մոսկվայում լրագրողների հետ զրույցում հայտարարել է Ռուսաստանում Իսրայելի փոխդեսպան Օլգա Սլովը:
Նա ընդգծել է, որ ՀԱՄԱՍ-ն ահաբեկչական կազմակերպություն է, և որ նրա հետ բանակցություններն անհնար են. «Մենք հուսով ենք, որ հնարավոր կլինի հասնել հրադադարի»:
Հուլիսի 7-ից Գազայի հատվածի դեմ Իսրայելի կողմից իրականացվող «Անխախտ ժայռ» գործողության հետևանքով Գաայի հատվածում զոհվել է ավելի քան 800 մարդ: Իսրայելի բանակը կորցրել է 45 զինծառայող:
