Կանադան նոր պատժամիջոցներ է սահմանել Ռուսաստանի դեմ
ZN.UA-ի փոխանցմամբ` Կանադայի վարչապետ Սթիվեն Հարփերը հայտարարել է Ռուսաստանի դեմ սահմանված պատժամիջոցների ընդլայնման մասին` կապված Ուկրաինայում տիրող իրավիճակի հետ: Հարփերը մանրամասնել է, որ նոր պատժամիջոցները սահմանվել են ռուսական մի շարք ընկերությունների նկատմամբ:
Խոսքը գնում է Ռուսաստանի ռազմարդյունաբերական, ֆինանսական ու էներգետիկ ոլորտները ներկայացնող ընկերությունների մասին: Կանադայի վարչապետը հայտարարել է, որ նոր պատժամիջոցները ենթադրում են տվյալ էներգետիկ ընկերությունների ու ֆինանսական հիմնարկների վարկավորման կասեցում:
