Քեսաբում անհետացած Շանթ Հովհաննիսյանի մարմինը գտել են իրենց բակում թաղված
Մոտ 4 ամիս առաջ Սիրիայի հայաբնակ Քեսաբ ավանում անհետացած Շանթ Հովհաննիսյանի անշնչացած մարմինը հայտնաբերվել է Քեսաբի իրենց տան բակում՝ թաղված, տեղեկացնում է արևմտահայերեն լուրերի «Եռագոյն» կայքը:
Հալեպի թեժ մարտերի ընթացքում հալեպաբնակ Շանթ Հովհաննիսյանն իր կնոջ ու երեխայի հետ մեկնել է Քեսաբ, որն այդ ժամանակ ավելի ապահով էր համարվում:
Մարտի 21-ին Քեսաբի վրա իրականացված հարձակման ժամանակ, նա կնոջն ու երեխային ուղարկել է Լաթաքիա, իսկ ինքը մնացել Քեսաբում:
Չորս ամիս նրանից որևէ տեղեկություն չի եղել և միայն օրեր առաջ է նրա անշունչ մարմինը հայտնաբերվել Քեսաբի իրենց տան բակում թաղված:
