Եվրահանձնաժողովը Ռուսաստանի դեմ նոր պատժամիջոցները կներկայացնի վաղը
Ռուսական ИТАР-ТАСС լրատվական գործակալության փոխանցմամբ՝ Եվրահանձնաժողովը վաղը ԵՄ-ի հանձնաժողովի նիստում ներկայացնելու է Ռուսաստանի դեմ նոր պատժամիջոցները: Նիստն անցկացվելու է մշտական ներկայացուցիչների մակարդակով:
Այս մասին հայտարարել է Եվրահանձնաժողովի պաշտոնական ներկայացուցիչ Պիա Առնեկիլդե Հանսենը: Նա հավելել է, որ դեռ շարունակվում է պատժամիջոցների համաձայնեցման գործընթացը, և որ դրանք կներկայացվեն ԵՄ-ի վաղվա նիստում: Սրանից առաջ հաղորդվել էր, թե ԵՄ-ի կողմից Ռուսաստանի դեմ նոր պատժամիջոցների սահմանման հարցը հետաձգվել է մինչև հինգշաբթի:
