ԵՄ-ն իր շուկաները բացել է ուկրաինական ապրանքների համար
Ուկրաինական UNIAN լրատվական գործակալության փոխանցմամբ՝ ԵՄ-ն այսօրվանից իր շուկաները միակողմանիորեն բացել է ուկրաինական ապրանքների առջև: Եվրոպական խորհրդարանի համապատասխան որոշումը երեկ հրապարակվել է ԵՄ-ի պաշտոնական տեղեկագրում:
Դրանում նշված էր, որ նոր կանոնները սկսելու են գործել ԵՄ-ի պաշտոնական տեղեկագրում հրապարակվելուց մեկ օր անց: Առևտրի արտոնյալ ռեժիմը նախատեսում է ուկրաինական ապրանքների մատակարարման համար մաքսատուրքերի նվազեցում, ինչպես նաև մի շարք այլ արտոնություններ, որպեսզի մեծացվի նման մատակարարումների ծավալը ԵՄ-ի շուկաներ:
Այս ռեժիմը պետք է գործի մինչև ընթացիկ տարվա նոյեմբերի մեկը կամ էլ մինչև ԵՄ-ի ու Ուկրաինայի միջև Ասոցացման համաձայնագրի տնտեսական մասի ստորագրումը:
