Հնամենի բուժարարը

Հնամենի բուժարարը

Բուժիչ նամակներ

Վարունգը հնագույն բանջարանոցային մշակաբույսերից մեկն է, որը հայտնի է եղել 6000 տարի առաջ։ Որոշ գիտնականներ կարծում են, որ բույսի հայրենիքը Հնդկաստանի հյուսիս-արևմուտքն է, որտեղ այժմ էլ հանդիպում են բնական պայմաններում աճող մինչև 20 մ բարձրություն ունեցող, վայրի վարունգի լիանանման անանցանելի թփուտներ։

Մեկ այլ վարկածի համաձայն` վարունգը սկսել են մշակել Հարավ-Արևելյան Ասիայում, որտեղից այն տարածվել է դեպի Աֆղանստան, Իրան, Պատմական Հայաստան և Հունաստան, որտեղ Հոմերոսի ժամանակներում գոյություն է ունեցել Սիկիոն=«Վարունգների քաղաք» բնակավայրը։
Ռուսաստանի մի քանի քաղաքներում կան վարունգին նվիրված կոթողներ` Նեժին, Լուխովիցի, Շկլով, իսկ Սուզդալում վերջին տարիներին նշվում է «Վարունգի տոնը»` հուլիսին կեսերին։

Սնունդը` դեղ
Վարունգը պարունակում է 95-97 տոկոս ջուր, հանքային աղեր, վիտամիններ` C, կարոտին, B1, B2, B5, ֆոլիաթթու, պեկտինային նյութեր, մոտ 0,5 տոկոս մոխրանյութ, մինչև 2,2 տոկոս ածխաջրեր, սպիտակուցներ, բջջանք, աննշան քանակությամբ ճարպեր։

Հարյուր գրամ հումքի մեջ պարունակվում է 23 մգ կալցիում, 42 մգ ֆոսֆոր, 14 մգ մագնիում, 141 մգ կալիում, 8 մգ նատրիում, նաև երկաթ, ծծումբ, պղինձ, կրեմնիում, յոդ և այլն. էներգետիկ արժեքն ընդամենը` 30 կկալ է։

Կալիումի և նատրիումի քաշային հարաբերությունը (141։8) մոտ է 20-ի։ Հայտնի է, որ կալիումն ունի միզամուղ հատկություն, իսկ նատրիումը հակառակ ազդեցություն ունի:

Վարունգի մեջ պարունակվող հեղուկը ավելի դանդաղ է ներծծվում և ավելի շուտ է հեռացվում օրգանիզմից, քան սովորական ջուրը` դա տեղի է ունենում K։ Na=17` բարենպաստ հարաբերության շնորհիվ։ Նման հատկության և պարունակվող հեղուկի առատության շնորհիվ օրգանիզմն ազատվում է ավելորդ նյութերից, նաև նվազում է խոլեստերինի բաղադրությունը, ակտիվանում է սրտամկանի և երիկամների աշխատանքը։
Վարունգն օգտակար է երեխաներին.

  • կալցիումի փոխհարաբերակցությունը ֆոսֆորի հետ (մոտ է 0,55-ի) բարենպաստ է ոսկորների աճի համար,
  • պղինձը (0,11 մգ` 100 գ հումքի մեջ) նպաստում է մտավոր զարգացմանը, արյունաստեղծ գործընթացին։

Հայտնի է, որ վարունգի մեջ պարունակվող յոդը հեշտությամբ է յուրացվում օրգանիզմում, գիտնականները կարծում են, որ կանոնավոր ուտելու դեպքում նվազում է վահանագեղձի հիվանդությունների առաջացման վտանգը։

Վարունգի մեջ գերակշռում են հիմնային միացությունները, ինչի շնորհիվ չեզոքացվում են սննդի մեջ պարունակվող թթվային միացությունները և կարգավորվում է ստամոքսահյութի թթվայնությունը։
Դիետոլոգները խորհուրդ են տալիս վարունգն ընդգրկել նիհարեցնող` ցածր կալորիականությամբ սննդակարգերում, կամ շաբաթական մեկ օր ուտել միայն վարունգ (2 կգ)։
Թարմ վարունգը և դրանից ստացված հյութն օգտակար է որոշ հիվանդությունների դեպքում։
Ծակծկոցներ ստամոքսում և աղիներում. Կերեք 100 գ վարունգի քերուկ նախաճաշից առաջ` որպես հանգստացնող, ցավամոքիչ միջոց։
Հոդացավ. Կերեք 300 գ մանր կտրատած վարունգ` նախաճաշից առաջ։ Շարունակեք 5 օր, կրկնեք 5 օրից, ընդամենը 4-5 անգամ։
Տիրեոտոքսիկոզ, հոդատապ. Խմեք 50-ական մլ թարմ հյութ` օրը 2-3 անգամ։
Սրտի իշեմիկ հիվանդություն, ստենոկարդիա, ռիթմի խանգարում- Խմեք հյութի և սառը (նախօրոք եփած) կաթի լուծույթ (1։1)` 50-100 մլ` օրը 3-4 անգամ, ուտելուց առաջ։
Օգտակար են նաև վարունգի, սև հաղարջի, խնձորի, գրեյպֆրուտի (2։2։1։1) կամ վարունգի, լոլիկի, սխտորի (20։20։1) հյութերի խառնուրդները։
Միզաքարային հիվանդություն. Խմեք 100 մլ գազարի, բազուկի, վարունգի հյութերի խառնուրդ (1։1։1)` օրը 3 անգամ։
Հազ. 100 մլ հյութի մեջ լուծեք 1-ական ճ/գ մեղր և սխտորի քերուկ, 1 ժամ թրմեք։ Կերեք 2-ական ճ/գ` օրը 5 անգամ, ուտելուց 30 րոպե առաջ։
Շագանակագեղձի բորբոքում. Խմեք 50-ական մլ կարմիր պղպեղի, գազարի, բազուկի, վարունգի հյութերի խառնուրդ (1։1։1։1)` օրը 3 անգամ, ուտելուց առաջ։
Թթու վարունգը պարունակում է` սննդամթերքի հետ ներմուծվող, սպիտակուցների և ճարպերի յուրացմանը նպաստող ֆերմենտներ, սակայն գրգռում է ախորժակը, և պետք չէ ուտել գիրության հակում ունենալու դեպքում։

Ժողովրդական դեղատոմսեր
Քրոնիկ հեպատիտ. Չորացրեք հասունացած հատապտուղը և արմատը, խառնեք (1։1), 3 գ հումքը 20 րոպե եփեք 300 մլ ջրում թույլ կրակի վրա, փակ կափարիչի տակ, վերականգնեք նախնական ծավալը եռջրով, 30 րոպե թրմեք, քամեք։ Խմեք 100-ական մլ` օրը 3 անգամ։
Ծակծկոցներ երիկամներում. 10 գ չորացրած սերմը 15 րոպե եփեք 500 մլ ջրում, վերականգնեք նախնական ծավալը եռջրով, քամեք։ Խմեք 150-ական մլ` օրը 3 անգամ, գոլ վիճակում։
Փորկապություն. 200 մլ թթու դրած վարունգի ջրում լուծեք 2 ճ/գ արևածաղկի յուղ և 1 ճ/գ մեղր։ Խմեք 200 մլ` օրը 1 անգամ, անհրաժեշտության դեպքում կրկնեք հաջորդ օրը։
Արյունահոսող թութք. Աշնանային բերքահավաքից հետո մթերեք բույսի ցողունը։ 100 գ մանր կտրատած թարմ հումքը 20 րոպե եփեք 500 մլ ջրում, 1 ժամ թրմեք։ Խմեք 100-ական մլ, օրը 3 անգամ։ Քամեք խմելուց առաջ։
Շարունակեք 3-7 օր, ըստ անհրաժեշտության։
Տրոֆիկ խոցեր. Հասունացած հատապտղի սերմը 10 օր թրմեք օղու մեջ (1։2), քամեք։ Դրեք թրջոց։
Զգուշացում։ Ստամոքսի և 12-մատնյա աղիի խոցային հիվանդության սրացման, քրոնիկ և սուր կոլիտի դեպքում պետք է սահմանափակել վարունգի չափաքանակը կամ նույնիսկ չընդգրկել այն սննդակարգում։

  • Թթու դրած (մարինացված) վարունգը խորհուրդ չի տրվում ուտել նաև խոլեցիստիտի, սուր հեպատիտի, լեղաքարային հիվանդության, սրտի արատների, հիպերտոնիայի և աթերոսկլերոզի դեպքում։
  •  Վարունգի օգտագործումը սննդի մեջ հակացուցված է քրոնիկ նեֆրիտի սրացման շրջանում, միզաքարային հիվանդության, պիելոնեֆրիտի, երիկամների ոչ բավարար աշխատանքի դեպքում։

«168 ԺԱՄ»

Գովազդ
BANNER 300x250
Լրահոս
Գովազդ
Գովազդ
Ամենաընթերցված
ՕրվաՇաբաթվաԱմսվա
2014-10-30
Manvel Sargsyan
Մանվել Սարգսյան. «Սա շարժում չէ, սա կուսակցական միջոցառում է»
«Ինտրիգը սահմանադրական չի, ուրեմն մարդկանց մտքում հակասահմանադրական ինչ-ինչ տեխնոլոգիաներ են մշակվում, դրա համար էլ չեն ասում: Սա անընդունելի է: Ինտրիգն ի՞նչ է: Ինտրիգն առևտուրն է: Դրա համար էլ շատերը փորձում են հասկանալ, թե ինչ է կատարվում: Կան մարդիկ, ովքեր ընդունում են` այո՛, թող ինտրիգով լինի, մարդկանց ուզածով լինի: Նրանց համար միևնույն է: Բայց կան քաղաքացիներ, որոնց համար միևնույն չէ. նրանք ուզում են տեսնել` ինչ որակի ուժեր վաղը կարող են հայտնվել պետական կառավարման համակարգում, որովհետև տեսնում են թշնամական մոտեցումը, հայհոյանքները, պիտակավորումները: Մարդիկ ասում են` էս ի՞նչ է, սա գեբելսյան մոտեցում է: Եթե նրանք պետական կառավարման լծակներ ձեռք բերեն, իրենց որակը փոխվելո՞ւ է: Չի փոխվելու»,- ասում է Մանվել Սարգսյանը: