Րաֆֆի Հովհաննիսյանը Սերժ Սարգսյանի հետ հանդիպել է Հրանտ Բագրատյանի հորդորով
Րաֆֆի Հովհաննիսյանը քիչ առաջ ելույթ ունենալով Ազատության հրապարակում՝ հայտարարել է, որ ինքն Սերժ Սարգսյանի հետ հանդիպել է վերջինիս հրավերով և նախկին վարչապետ Հրանտ Բագրատյանի հորդորով։
«Իմ և նրա զրույցի ամբողջ մանրամասները կներկայացնեմ վաղը 17:00-ին կայանալիք հանրահավաքին, բայց հիմա կարող եմ ասել, որ նրանք ընդունում են իրենց սխալները»,- ասել է Ր. Հովհաննիսյանը։
Հիշեցնենք, որ Հրանտ Բագրատյանը երեկ գիշեր Ազատության հրապարակում Ր. Հովհաննիսյանին այցելելուց հետո ֆեյսբուքի իր էջում Սերժ Սարգսյանին և Րաֆֆի Հովհաննիսյանին բանակցությունների սեղանի շուրջ նստելու կոչ էր արել։
